Assorted Cake အတွက် ခုရေးခုတင်လိုက်တဲ့ကဗျာမုန့် ပူပူနွေးနွေးလေး။ ********** Calling …………… တိုက်ပွဲအပြီးမှာတော့ ဒေါသတကြီးအော်ဟစ် ခြိမ်းခြောက်ဆူညံပေါက်ကွဲခဲ့တဲ့ ကျည်ဆံ၊ အမြောက်သံတွေလည်းငြိမ်ဆင်း မြို့လည်မှာ အထီးကျန်ခြင်းလမ်းတစ်စင်းသာရှိတော့ပြီပဲ အဲ့ဒီ စစ်ဒဏ်ခံမြို့ကလေးရဲ့ တစ်ခုတည်းသောလမ်းပေါ် ငါလျှောက်လာတဲ့အခါ၊ ငါ့ဘေးမှာ အတိတ်ရဲ့ ပဲ့တင်သံတွေဟာ တဝုန်းဝုန်းပြိုကျလာနေခဲ့။ အိပ်မက်တစ်ခုလို လျှပ်တစ်ပြက်အတွင်း ပြိုပျက်ကျသွားတဲ့ ငါ့မြို့ကလေး တစ်ချိန်က လူစည်ကားခဲ့တဲ့လမ်းများ ခုတော့ ကြေကွဲတိတ်ဆိတ် တို့မြို့က ရှူထုတ်လိုက်တဲ့ ထွက်သက်မှာ ရယ်မောသံမပါ…
